Janica Čunčić (1926. - 2018.): Obrada lana i konople 

Prvi put moramo pukati iz zemle

povezati u rukoveti da se more s tim dale raspolagati

zatim se odveze u vodu u obližnu reku Odru ili potok da se namače

i kad bude dosta odmočeno, vadi se iz vode van a mora se dobro oprati

to se vozi domom i prestira da se osuši na suncu

mora biti toplo i napeto od sunca da bi se dalo tuči na tešku drvenu stupu

pod teretom pozder sfrca 

da bi se od toga dobila kudela ili povesmo, ima jedna trlica s terum se još popravi da bu mekše i čišće

a kad se to obavi, onda se još vleče z grebenom kak da bi se česalo

a kej zide s toga grebena sčesano, to zovemo povesmo

a ono kej iza ostane, to je kudela

zatim se slagalo na preslicu

a vrteno na desnu ruku koja ž nim vrti i namotaova preju na vrteno

malo ovlaži zubmi da bu lepša nit

i onda bi žena bila zadovolna ako je napravila vrteno puno preje, a to se zvalo potak.

kad se naslagalo više potakof, onda se mahalo na rašek drveni

da bi se stoga napravilo predeno

tero se metalo v luknicu i polevalo s kipućim lugom od pepela da bi postalo belo

zatim kad se zesušilo, vijalo se i motalo f klupko

od kojega se odmotavalo kad se snovalo i navijalo na vratilo na stanu na kom se od toga tkalo platno.

Lanek se isto delal na isti način kak i konopla.

Ali od lana se delalo ruho za svetke,

a od konople za saki dan.

Laneno je navek bilo fineše 

još su i denes na cene lanene plate i narodne nošne.