Paok kakof saem jao to čouvek?

Moji ded i baba po mame Fabijan Tomakof i Mara Tomakova bili su zvonari dosta dugo.Većinum jae baba išla zvonit. Cirkva jae bila prek dvie iže, nie je bilo daleko. Tu sae moja mama nafčila zvoniti užnie. I jao saem s drugum decum drčala za baobum f turen po štenga do štrikov. Jaeden jae bil za maoli zvon, a jeaden za veliki. Tri pout na daon sae zvonilo z velikim zvonom. Mi smo sae vesili za štrikae, ali to nie bilo pametno jer bi to cielo saelo čulo kaej delamo. 

Kad bi prvi put povliekla štrik, baba Mara bi raekla: Anđeo Gospodnji navijestio Mariji i ona je začela po Duhu Svetom. I ostala bez daha. I dok je zvonila prvi fugaoš, zmolila bi Zdravo Mariju. Onda bi staola, i ponovno počela z rečmi: Evo službenice Gospodnje neka mi bude po riječi tvojoj! I zmolila bi drugu Zdravo Mariju dok je zvonila drugi fugaoš.Onda bi paok staola i raekla: I Riječ je tijelom postala i među nama prebivala. I zmolila bi tretu Zdravo Mariju uz treti fugaoš. Na kraju jae još zmolila dok smo mi drćali pred num dole po štega: Moli za nas, sveta Bogorodice, da dostojni postanemo obećanja Kristovih. Pomolimo se. Milost svoju, molimo te, Gospodine, ulij u duše naše da mi koji smo po Anđelovu navještenju spoznali za utjelovljenje Krista Sina Tvoga, po muci njegovoj i križu k slavi uskrsnuća privedeni budemo. Po istom Kristu Gospodinu našem. Amen. 

Moji su nasledili zvonariju od dedae i babae. Moja mama Janena Vrtlarova zajedno s tatum, Ivičom Vrtlarovim, bili su zvonari 24 leta. Zvonila jae saki daon tri put. Jutro op šest vur, o pol daon, i navečer ob osem. Ona nie molila dok jae zvonila nek kad jae prestala zvoniti, navek bi zmolila Anđeo Gospodnji. Tak i taj pout. Počela jae moliti, zišla je po štenga s turna dole, zaklaejnula vraota v turen i zišla na pout. Kad je zmolila, prekrižila se. Baš vu tom jae naišel Antolčić s Podotoč s koli.

- Vee! - viknae on kojnom i kola staonu pred maomum. Ona gledi kae bu sad?

- Jaono, pok kakof saem jao to čouvek da se praed menum križaš?

- A, Števo, am sae jao ne križam pred toubum. Jo sem odzvonila i sad sem molitvu završila paok saem sae prekrižila.